Wednesday 15 January 2014

တောင်ကိုရီးယားနိုင်ငံဆိုးမြိှု့ အီးဝူ (EWOO) ကျောင်းနဲ့ SAW ကျောင်း ယဉ်ကျေးမှုဖလှယ်


၁၅ ဇန်န၀ါရီ ၂၀၁၄| မိုနာလီဇာ| SAW

၁၅.၁.၂၀၁၄ ရက်နေ့တွင် တောင်ကိုရီးယားနိုင်ငံ ဆိုးမြိှု့ အီးဝူ (EWOO) ကျောင်းမှ ကိုးရီးယား အထက်တန်းကျောင်းသား/သူများနှင့် ထိုင်းမြန်မာနယ်စပ်တွင် ဖွင့်လှစ်ထားသော မင်းမဟော်ကျောင်းမှ ကျောင်းသား/သူများပူးပေါင်း၍ SAW ၏ မူလတန်းကျောင်းဆောင်သို့လာရောက်၍ ကျောင်းသားများနှင့် ယဉ်ကျေးမှုဖလှယ်ခြင်း အကများသင်ပေးခြင်းများပြု လုပ်ခဲ့ပါသည်။

အဆိုပါ အီးဝူကျောင်းတွင် ကျောင်း၏လှုပ်ရှားမှုတခုအဖြစ် နှစ်စဉ်နှစ်တိုင်း ထိုင်း၊ မြန်မာ၊ ဖိလစ်ပိုင်၊ နီပေါ၊ ဗီယက်နမ် နှင့် ဂျပန် နိုင်ငံများသို့သွား၍ ထိုနိုင်ငံများမှ ကျောင်းသားများနှင့် ပူးပေါင်း၍ ယဉ်ကျေးမှုဖလှယ်ခြင်း

အသိပညာဆွေးနွေးခြင်းများကို ပြုလုပ်လေ့ရှိသည်ဟု သိရပါသည်။ ယခုအကြိမ်သည် ၆ ကြိမ်မြောက် ခရီးစဉ်ဖြစ်ကြောင်းလည်း သိရှိရပါသည်။

ထိုင်းမြန်မာနယ်စပ်ဒေသရှိရွှေ့ပြောင်းကျောင်းများဖြစ်သည့် SAW၊ ဆာမူထော်၊ မင်းမဟော် နှင့် အခြားရွှေ့ပြောင်းကျောင်းများအပြင် မယ်လဒုက္ခသည်စခန်းသို့ပါ သွားရောက်ခဲ့ကြသည်။ ထို့အပြင် မြန်မာနိုင်ငံခရီးစဉ်တွင်လည်း မြန်မာပြည်မှ တက္ကသိုလ်ကျောင်းသားများနှင့် တွေ့ဆုံ၍ အသိပညာနှင့် ယဉ်ကျေးမှုအကြာင်းအရာများ ဆွေးနွေးခဲ့ကြကြောင်း သိရှိရပါသည်။

ထိုအဖွဲ့မှ ဆရာမတဦးက ရွှေ့ပြောင်းကျောင်းမှ ကျောင်းသူ/သားများသည် လွန်စွာမှ ရိုးသာလှကြောင်းနှင့် အာရုံစူးစိုက်မှု အားကောင်းကြကြောင်းနှင့် သူတို့ကိုးရီးယား ကျောင်းသား/သူများမှ ထိုအရာများကို ရွှေ့ပြောင်းကျောင်းသားများထံမှ လေ့လာရန်လိုအပ်ကြောင်းကို ပြောကြားခဲ့ပါသည်။

0 comments: