Monday, 21 January 2013

 ထိုင်းနိုင်ငံအတွင်း ယာယီနိုင်ငံကူးလက်မှတ် ထုတ်ပေးရေးရုံး ၁၀ ခုအထိ တိုးချဲ့ဖွင့်လှစ်၍ ထိုင်းနိုင်ငံရောက် မြန်မာအလုပ်သမားများအား ယာယီနိုင်ငံကူးလက်မှတ်နှင့် အထောက်အထားများ ထုတ်ပေးသွားမည်

ထိုင်းနိုင်ငံရောက် မြန်မာအလုပ်သမားများအား ယာယီနိုင်ငံကူးလက်မှတ်နှင့် အထောက်အထားများ ထုတ်ပေးရာတွင် ယခင်က ထိုင်းနိုင်ငံအတွင်း စခန်းငါးခုဖွင့်လှစ် ဆောင်ရွက်ခဲ့ရာမှ ယခုနှစ် မတ်လမတိုင်မီတွင် စခန်း ၁၀ ခုထိ တိုးချဲ့ဖွင့်လှစ်၍ ဆောင်ရွက်ပေးသွားရန် စီစဉ်နေကြောင်း အလုပ်သမား၊ အလုပ်အကိုင်နှင့် လူမှုဖူလုံရေး ၀န်ကြီးဌာနမှ သတင်းရရှိပါသည်။ ယခင်က ထိုင်းနိုင်ငံရောက် မြန်မာအလုပ်သမားများအား ထိုင်းနိုင်ငံအတွင်းရှိ ဘန်ကောက်၊ စမုပရာကန်၊ မဟာချိုင်၊ ချင်းမိုင်နှင့် စူရတ်ဌာနီ စသည့်နေရာငါးနေရာတွင် ယာယီနိုင်ငံကူးလက်မှတ် ထုတ်ပေးခဲ့ခြင်းဖြစ်ပြီး ယခုအခါ နောက်ထပ်နေရာ ၅ ခုတွင် တိုးချဲ့ဆောင်ရွက်သွားရန် စီစဉ်နေခြင်းဖြစ်ကြောင်း သိရသည်။ ထိုင်းနိုင်ငံအတွင်း သွားရောက်အလုပ်လုပ်ကိုင်နေသည့် အထောက်အထားမဲ့ မြန်မာအလုပ်သမားများအတွက် အထောက်အထားများ ထုတ်ပေးရေး လုပ်ငန်းစဉ်အား ၂၀၁၂ ခုနှစ်၊ ဒီဇင်ဘာလ (၁၄) ရက်နေ့တွင် ပိတ်သိမ်းရန် ထိုင်းနိုင်ငံမှ ဆုံးဖြတ်ခဲ့သော်လည်း ၂၀၁၂ ခုနှစ်၊ ဒီဇင်ဘာလ (၁၇) ရက်နေ့၌ တနင်္သာရီတိုင်း ဒေသကြီး၊ ထားဝယ်မြို့တွင် နိုင်ငံတော်သမ္မတ ဦးသိန်းစိန်၏ တောင်းဆိုချက်အရ ထိုင်းနိုင်ငံ၊ ၀န်ကြီးချုပ် မစ္စရင်လပ်ရှင်နာဝပ်မှ ထိုင်းနိုင်ငံရှိ အထောက်အထားမဲ့ မြန်မာရွှေ့ပြောင်းအလုပ်သမားများအား ဆောင်ရွက်ပေးလျက်ရှိသည့် ယာယီမြန်မာနိုင်ငံကူးလက်မှတ် ထုတ်ပေးရေးလုပ်ငန်းစဉ်များအား ရပ်ဆိုင်းခြင်းမပြုဘဲ အချိန်ကာလ သုံးလ ထပ်မံတိုးမြှင့် ဆောင်ရွက်ပေးရန် သဘောတူညီမှု ရရှိခဲ့ခြင်းဖြစ်ကြောင်း သိရသည်။ အဆိုပါ သဘောတူညီမှုအား ဆက်လက်အကောင်အထည်ဖော် ဆောင်ရွက်နိုင်ရန်အတွက် ဇန်န၀ါရီလ ၁၅ ရက်နေ့တွင် ထိုင်းနိုင်ငံ၊ ဘန်ကောက်မြို့၌ မြန်မာ-ထိုင်း နှစ်နိုင်ငံ အလုပ်သမားရေးရာ ကျွမ်းကျင်သူများ ညှိနှိုင်းအစည်းအဝေးကို နှစ်နိုင်ငံ တာဝန်ရှိသူများဖြင့် ပြုလုပ်ခဲ့ကြောင်းလည်း သိရသည်။ အဆိုပါ အစည်းအဝေးတွင် မြန်မာအလုပ်သမားများအား မြန်မြန်ဆန်ဆန်နှင့် အရေအတွက်များများ အထောက်အထားများ ထုတ်ပေးနိုင်ရေးအတွက် စခန်းဖွင့်လှစ်မည့် နေရာများ ရွေးချယ်ခြင်းကိစ္စနှင့် စခန်းအရေအတွက် တိုးချဲ့ဖွင့်လှစ်ရန် ကိစ္စတို့ကို ဆွေးနွေးခဲ့ကြောင်း သိရှိရသည်။ နိုင်ငံတော်သမ္မတ၏ တောင်းဆိုခဲ့မှုအပေါ် ထိုင်းနိုင်ငံမှ တုံ့ပြန်သည့်အနေဖြင့် ယာယီမြန်မာနိုင်ငံကူးလက်မှတ် ထုတ်ပေးရေးစခန်း ယခင် (၅) ခုအစား ယခုအခါ (၁၀) ခုအထိ ဖွင့်လှစ်လိုပါက ဖွင့်လှစ်နိုင်ရန် ဆောင်ရွက်ခွင့်ပြုပေးခဲ့ပြီး လုပ်ငန်းစဉ်များကိုလည်း ၂၀၁၃ ခုနှစ်၊ မတ်လမတိုင်မီ စတင်ဆောင်ရွက်နိုင်ရန် သဘောတူညီခဲ့ကြကြောင်း သိရသည်။ ထိုသို့ဆောင်ရွက်နိုင်မှုကြောင့် ထိုင်းနိုင်ငံအတွင်းရှိ အထောက်အထားမဲ့ မြန်မာအလုပ်သမားများအနေဖြင့် ထိုင်း-မြန်မာ နယ်စပ်စခန်းများရှိ ယာယီမြန်မာနိုင်ငံကူးလက်မှတ် ထုတ်ပေးရေးစခန်းများသို့ ပြန်လာရန် မလိုအပ်ဘဲ ယာယီမြန်မာနိုင်ငံကူးလက်မှတ်၊ ဗီဇာနှင့် အလုပ်လုပ်ကိုင်ခွင့်လက်မှတ်များအား ထိုင်းနိုင်ငံအတွင်းရှိ နီးစပ်ရာ ယာယီမြန်မာနိုင်ငံကူးလက်မှတ် ထုတ်ပေးရေးစခန်းများတွင် ဆောင်ရွက်နိုင်မည်ဖြစ်ကြောင်းလည်း သိရှိရသည်။ ထိုင်းနိုင်ငံအတွင်း ရောက်ရှိအလုပ်လုပ်ကိုင်နေသော မြန်မာအလုပ်သမားများနှင့် အသစ်သွားရောက်လုပ်ကိုင်မည့် မြန်မာအလုပ်သမားများအတွက် ပြည်ပအလုပ်အကိုင် အလုပ်သမားသက်သေခံကတ်ပြားနှင့် ယာယီနိုင်ငံကူးလက်မှတ် ထုတ်ပေးမှုကို ၂၀၀၉ ခုနှစ်မှ စတင်ဆောင်ရွက်ခဲ့ရာ ၂၀၀၉ ခုနှစ်၊ ဇူလိုင်လ ၁၀ ရက်နေ့မှ ၂၀၁၂ ခုနှစ် နှစ်ကုန်အထိ အလုပ်သမားညွှန်ကြားမှု ဦးစီးဌာနမှ ပြည်ပအလုပ်အကိုင် အလုပ်သမားသက်သေခံကတ် ထုတ်ပေးပြီး ဦးရေမှာ ၁၂၃၁၄၂၆ ဦးရှိကြောင်း သိရှိရသည်။ ပြည်ပအလုပ်အကိုင် အလုပ်သမားသက်သေခံကတ်ပြားနှင့် ယာယီနိုင်ငံကူးလက်မှတ် ထုတ်ပေးမှုကို နယ်စပ်မြို့များဖြစ်သော တာချီလိတ်၊ မြ၀တီ၊ ကော့သောင်း၊ ရနောင်းနှင့် ထိုင်းနိုင်ငံအတွင်းရှိ ဘန်ကောက်၊ စမုပရာကန်၊ မဟာချိုင်၊ ချင်းမိုင်နှင့် စူရတ်ဌာနီတို့တွင် ဆောင်ရွက်ပေးခဲ့ခြင်းဖြစ်ကြောင်း သိရသည်။ By Eleven

0 comments: