Wednesday, 17 October 2012

၂၀၁၁ ခုနှစ် လူကုန်ကူး ခံရသူများတွင် ကလေးသူငယ် လူကုန်ကူး ခံရမှု ၂၃ ရာခိုင်နှုန်း ပါဝင်

၂၀၁၁ ခုနှစ်တွင် လူကုန်ကူး ခံရသူများတွင် ကလေးသူငယ် လူကုန်ကူး ခံရသူများဟာ ၂၃ ရာခိုင်နှုန်း ပါဝင်နေတာ ဖြစ်တယ်လို့ သက်ဆိုင်ရာ ဌာနရဲ့ ထုတ်ပြန်ချက် အရ သိရပါတယ်။ အခုလို ပါဝင်နေတာ ဟာလည်း လူကုန်ကူး ခံရသူ ၂၆၅ ဦးမှာ ကလေး သူငယ် ၆၁ ဦး ပါဝင် နေတာ ဖြစ်ပါတယ်။ ဒီလို လူကုန်ကူး ခံရသူများမှာ ကလေး သူငယ် လူကုန်ကူး ခံရသူဟာ ၂၃ ရာခိုင်နှုန်း ပါဝင်နေတဲ့ အတွက် မိဘပြည်သူများ အနေနဲ့ ကလေး သူငယ်များကို ထိန်းသိမ်း ကာကွယ် စောင့်ရှောက်ဖို့ လိုအပ်တာ ဖြစ်တယ် လို့လည်း သိရပါတယ်။ ဒါ့အပြင် လူကုန်ကူး ခံရသူရဲ့ ၈၅ ရာခိုင်နှုန်းမှာ ငယ်ရွယ်တဲ့ အမျိုးသမီးငယ် များပါ ပါဝင် နေတာ ဖြစ်တဲ့အတွက် ပြည်သူလူထု၊ ရပ်မိရပ်ဖ များနဲ့ မိဘဆွေမျိုးများ ကပါ ၀ိုင်းဝန်း တားဆီးဖို့ လိုအပ် တယ်လို့ သိရပါတယ်။ ဒီလို ဖြစ်ပွား လျက်ရှိရာမှာ မြန်မာနိုင်ငံမှာ အဓမ္မ ထိမ်းမြားခြင်းနဲ့ လိင်မှုဆိုင်ရာ ကိစ္စရပ်များမှာ အသုံးပြုဖို့ အတွက် လူကုန်ကူးမှု အများဆုံး ဖြစ်ပွားခဲ့တာ ဖြစ်ပါတယ်။ ဒါ့အပြင် ၂၀၁၁ ခုနှစ် အတွင်းမှာ သက်ဆိုင်ရာ ဌာနကနေ လူကုန်ကူးမှု ၁၂၀ မှုကို ဖော်ထုတ်ခဲ့ပြီး တရားခံ ၃၀၇ ဦးကို အရေးယူ နိုင်ခဲ့တာ ဖြစ်တယ်လို့ သိရပါတယ်။

0 comments: