Wednesday, 17 October 2012

လူကုန်ကူး ခံရမှုများ ပုံစံ ၇ မျိုးဖြင့် ဖြစ်ပွားခဲ့

ပြည်တွင်းမှ ပြည်ပ နိုင်ငံများသို့နှစ်စဉ် လူကုန်ကူးမှုများ ဖြစ်ပွားလျက် ရှိပါတယ်။ ဒီလို လူကုန်ကူး ခံရမှုများ ဖြစ်ပွားရာမှာ လူကုန်ကူး ခံရမှုပုံစံ ၇ မျိုးနဲ့ ဖြစ်ပွားမှုကို တွေ့ရှိရ တယ်လို့ လူကုန်ကူးမှု တားဆီး ကာကွယ်ရေး ဗဟိုအဖွဲ့ရဲ့ ထုတ်ပြန်ချက် အရ သိရပါတယ်။ ဒီလို လူကုန်ကူး ခံရမှုပုံစံ ၇ မျိုးနဲ့ တွေ့ရှိရာမှာလည်း လူကုန်ကူးမှု တိုက်ဖျက်ရေး ဆိုင်ရာ ပထမ ၅ နှစ် စီမံကိန်း အတွင်း အဓမ္မ ထိမ်းမြှား လက်ထပ်မှုဟာ ၆၆.၇ ရာခိုင်နှုန်းနဲ့ အများဆုံး ဖြစ်ပွား ခဲ့တာ ဖြစ်ပါတယ်။ အဲ့ဒီနောက် မှာတော့ ပြည့်တန်ဆာ ပြုခြင်း ၁၃.၆ ရာခိုင်နှုန်း၊ လုပ်အား ခေါင်းပုံ ဖြတ်မှု၊ အဓမ္မ စေခိုင်းမှု ၁၀ ရာခိုင်နှုန်း၊ ကလေးသူငယ် လူကုန် ကူးခြင်း ၄.၈ ရာခိုင်နှုန်း၊ အဓမ္မ တောင်းရမ်း စေခိုင်းမှု ၁.၄ ရာခိုင်နှုန်း၊ အဓမ္မ မွေးစားခြင်း ၀.၃ ရာခိုင်နှုန်းနဲ့ လိင်မှု ဆိုင်ရာ ခေါင်းပုံဖြတ်မှု ၀.၂ ရာခိုင်နှုန်း ဖြစ်ပွားခဲ့တာ ဖြစ်ပါတယ်။ အခုလို လူကူန်ကူးမှု ဖြစ်စဉ်များ ထဲကမှ လူကုန်ကူးသူ တရားခံများရဲ့ ၆၅ ရာခိုင်နှုန်းဟာ အမျိုးသမီးများက ကျူးလွန်ခဲ့ ကြတာ ဖြစ်ပါတယ်။ လူကုန်ကူး ခံရသူများ မှာတော့ အမျိုးသမီးများ ပါဝင်မှုဟာ ၈၅ ရာခိုင်နှုန်း ရှိနေတာ ဖြစ်ပါတယ်။ ဒီလို ပါဝင်ရာမှာ ငယ်ရွယ်တဲ့ အမျိုးသမီးငယ်များ လူကုန်ကူး ခံရမှုဟာ အများစု ပါဝင်တာ ဖြစ်ပြီး ကလေးသူငယ် လူကုန်ကူး ခံရမှု ဟာတော့ ၄.၃၈ ရာခိုင်နှုန်း အထိ ဖြစ်ပွား ခဲ့တယ်လို့ သိရပါတယ်။

0 comments: