Sunday 24 October 2010

ကမ္ဘာ့လူသန်း ၁ ထောင်နီးပါး ငတ်မွတ်ပြီး အဟာရချို့တဲ့နေ

VOA/ စနေ,16အောက်တိုဘာ2010
အိန္ဒိယနိုင်ငံ၊Gurgao မြို့ကဆောက်လုပ်ရေးနေရာတခုအနီးချို့ချို့တဲ့တဲ့ နေထိုင်နေကြရသည့် ဆင်းရဲသားမိသားတစ်စု
(အောက်တိုဘာလ ၂၀၁၀)

ကမ္ဘာပေါ်က လူသန်းပေါင်း ၁ ထောင်နီးနီးဟာ နှစ်တာရှည် အငတ်ဘေး ကြုံနေရပြီး အဟာရ ချို့ချို့တဲ့တဲ့ နေထိုင်နေရတယ်လို့ ကုလသမဂ္ဂ စားနပ်ရိက္ခာနဲ့ လယ်ယာစိုက်ပျိုးရေးအဖွဲ့ အက်ဖ်အေအိုရဲ့ အကြီးအကဲ Jacques Diouf က ပြောပါတယ်။

အဲဒီ အငတ်ဘေး လိုအပ်ချက်ကို ဖြည့်ဆည်းနိုင်ဖို့ဆိုရင် စားနပ်ရိက္ခာ ထုတ်လုပ်မှုကို ၇၀ % တိုးမြှင့်ဖို့ လိုအပ်တယ်လို့ Diouf က ရောမမြို့မှာ ရှိတဲ့ အက်ဖ်အေအို ရုံးချုပ်မှာ သောကြာနေ့က ကမ္ဘာ့စားနပ်ရိက္ခာနေ့ အထိမ်းအမှတ် ကျင်းပရင်း ပြောကြားခဲ့ပါတယ်။

သိပ္ပံနဲ့ စိုက်ပျိုးရေး နည်းပညာမှာ အရင်က မရှိခဲ့ဖူးတဲ့ အတိုင်းအဆနဲ့ တိုးတက်နေချိန်မှာ အငတ်ဘေးကြောင့်နဲ့ အဲဒီ အငတ်ဘေးနဲ့ ဆက်စပ်နေတဲ့ ရောဂါတွေကြောင့် လူတွေ မရေမတွက်နိုင်အောင် သေဆုံးနေကြရတာ လက်ခံနိုင်ဖို့ မရှိဘူးလို့ ရ၀မ်ဒါ သမ္မတ Paul Kagame က ဆိုပါတယ်။

နိုင်ငံပေါင်း ၂၂ နိုင်ငံဟာ ကာလတာရှည် အငတ်ဘေးကို ရင်ဆိုင်နေကြရတယ်လို့ မကြာမီက ထုတ်ပြန်ခဲ့တဲ့ အက်ဖ်အေအို အစီရင်ခံစာက ဆိုပါတယ်။

0 comments: