ဓါတ်ငွေ့ယိုစိမ့်မှုကြောင့် အလုပ်သမားများအရေးပေါ်ဆေးရုံတင်ရ

(သြဂုတ်လ ၂၈)
ထိုင်းနိုင်ငံတောင်းပိုင်းက ကျုံဖေါ်မြို့ ပါနန်း လို့ခေါ်တဲ့ ရေထွက် ပစ္စည်းတွေထုတ်တဲ့ ပိုက်ဆိပ်ရှိ ပုဇွန်ကုန်ချောထုတ်လုပ်တဲ့ sea frish ကုမ္ပဏီတွင် ဂက်စ်အိုးမှ ဓါတ်ငွေ့ယိုစိမ့်မှု ဖြစ်ပွားတဲ့ အတွက် ဒီအလုပ်ရုံမှာ အလုပ်လုပ်နေကြတဲ့ အလုပ်သမားအ ချို့ အရေးပေါ်ဆေးရုံ တင်လိုက်ရပါတယ်။

“နေ့လည်ထမင်းစားနားခါနီ ၁၁ နာရီကျော်လောက်မှာ ဓါတ်ငွေ့ယိုတော့ အနံ့ တော်တော် ပြင်းတယ် လူတွေမူးမေ့လဲကုန်ကြတယ်။ ကျမတို့ထွက်ပြေးကြတော့ ဘာမှမဖြစ်လိုက်ဘူး၊ အလုပ်ရှင်က ဖြစ်ဖြစ် ချင်း ကားနဲ့ ဆေးရုံကိုလိုက်ပို့ပါတယ်၊ ကျုံဖေါ်ဆေးရုံက ၄ ယောက်က ညနေပိုင်းအထိ ပြန်မဆင်း လာရသေးဘူး၊ ပါနန်းဆေးရုံက ၈ ယောက်ကတော့ ညနေက ပြန်ဆင်းလာကြပါပြီ”

မြန်မာများအခေါ် ဆီးဗစ် ပုဇွန်ကုမ္ပဏီမှာ မြန်မာအလုပ်သမားတွေ ထောင်ချီရှိနေပါတယ်။ ဒီအလုပ်ရုံရဲ့ အလုပ်ရုံအခန်း အမှတ် ၄ မှာတော့ အများစုက မြန်မာအလုပ်သမားတွေ ဖြစ်ပါတယ်။

အရင်တုန်းက ဒီလုပ်ရုံက မြန်မာအလုပ်သမားကို လက်မခံခဲ့ပါဘူး၊ ဒီနှစ်မှ နေထိုင် အလုပ် ကိုင်ခွင့် ဘတ် လုပ်ပေးပြီး မြန်မာအလုပ်သမားတွေကို လက်ခံခဲ့ပါတယ်။

နေ့တွက်ခ အပါအဝင် အချိန်ပိုကြေးပါ အလုပ်သမားတဦးကို ဘတ်ငွေ ၃ဝဝ ကျော်ရ တယ်လို့ ဒီအလုပ်ရုံ အလုပ်သမားများကပြောပြပါတယ်။

ကျုံဖေါ်မြို့နယ် ပါနန်းလှေဆိပ် တနေရာတည်းတွင် မြန်မာအလုပ်သမား သုံးလေး သောင်းခန့် ရှိနိုင် ကြောင်း အလုပ်သမားများက ပြောပြလို့ သိရှိရပါတယ်။
(ရွှေမောင်း)
.....