လူကုန်ကူးမှု အကြောင်း တစေ့တစောင်း (အပိုင်း -၁)

(စကားချီး)
ဒီနေ့ညနေတုန်းက မတွေ့ရတာ ကြာပြီဖြစ်တဲ့ မိတ်ဆွေဟောင်း တယောက်က ဖုန်းဆက်လာပါတယ်။ သူ ကျွန်မ တို့မြို့ကို ရောက်နေလို့ လာလည်လို့ ရမလားဆိုတဲ့ အကြောင်းပါ။ ဘာ ပဲဖြစ်ဖြစ် ဒီလို ဖုန်းဆက်ပြီးမှ အချိန်ချိန်းပြီးမှ လာလည်တဲ့ ဓလေ့ကို ကျွန်မသိပ်နှစ်သက်တာပဲ။ ဆိုင်းမဆင့်၊ ဗုံမဆင့် ကောက်ခါငင်ခါဆို တယောက်ယောက်က အလုပ်များနေရင် နှစ်ယောက်စလုံးအတွက် မကောင်းတာ အမှန်ပါပဲ။ တခါတရံ တော့လဲ စိတ်လောကြီးပြီး ကျွန်မလည်း ကောက်ခါငင်ခါ သွားမိတတ်တာတွေ ရှိခဲ့ဖူးပါတယ်။ နောက်ပိုင်းတော့ နှစ်ဦးနှစ်ဘက် အဆင်မပြေနိုင်တာကြောင့် အလည်သွားတာတွေတင်မက ဖုန်းပြော ရင်တောင် တဘက်က အားရဲ့လားလို့ အရင်မေးပြီးမှ စကားဆက်ပြောတတ်တဲ့ အကျင့်ဖြစ်လာခဲ့ ပါတော့တယ်။

ဒါနဲ့ ကျွန်မလဲ လွန်ခဲ့တဲ့ အပတ်က သားလေ ရုတ်တရက်တက်ပြီး သတိလစ်သွားလို့ ဆေးရုံမှာ လေး၊ ငါး ရက် ရောက်နေတဲ့အကြောင်း၊ အိမ်ပြန်ရောက်တော့လဲ အလုပ်လုပ်စရာတွေ ရေးထားတဲ့ ဒိုင်ယာရီမှတ် တမ်းကိုတောင် ပြန်လှန်မကြည့်ရဲသေးတဲ့အကြောင်း၊ လာမယ့် အပတ်မှာ မီးဖိုချောင်နဲ့ ရေချိုးခန်း အ သစ်ပြင်ဆင်မှုတွေလုပ်ဖို့ ချိန်းပြီးသားဖြစ်နေလို့ ပစ္စည်းပစ္စယတွေ သိမ်းဆည်းပြင်ဆင်နေရတဲ့ အ ကြောင်းတွေ ပြောပြဖြစ်ပါတယ်။ သူက လာကူပေးလို့ ဖြစ်မလားဆိုလာတာကြောင့် သူများအကူအညီ လက်ခံဖို့ ခဲယဉ်းတဲ့ ကျွန်မလဲ ခြေကုန်လက်ပန်း ကျနေချိန်မို့လားမသိ။ ၀မ်းသာအားရနဲ့ လက်ခံမိပါ တော့တယ်။ နှစ်ယောက်အတူလုပ်လိုက်တော့လဲ အချိန်ခဏလေးနဲ့ ပြီးသွားပါတယ်။ ဒါနဲ့ ညနေစာကို နီးရာ ဆိုင်တဆိုင်ကနေမှာပြီး စားဖြစ်ကြရင်း စကားစမြည် ပြောဖြစ်ကြပါတယ်။

သူနဲ့ ကျွန်မဆိုတာကလဲ Anti- money laundering သင်တန်းတခုမှာ ဆုံခဲ့ကြသူတွေ ဖြစ်လေတော့ စိတ်ဝင်စားမှု နယ်ပယ်တွေချင်းက ဆက်စပ်နေတတ်ပါတယ်။ စစ်ရေး၊ နိုင်ငံရေး၊ စီးပွားရေး၊ ဥပေဒေ ရေးရာတွေဆိုတာက တခုနဲ့တခု အနည်းနဲ့အများ ဆက်စပ်နေတာတွေချည်းပါပဲ။ သူက နိုင်ငံဖြတ်ကျော် ရာဇ၀တ်မှု နှိမ်နင်းရေးနယ် ပယ်ထဲရောက်၊ ကျွန်မက စစ်ဗျူဟာလေ့လာရေး၊ အကြမ်းဖက်မှု တိုက်ဖျက် ရေးဆိုင်ရာ လေ့လာသူဖြစ်လာပေမယ့် ဒီနှစ်ခုဟာ အတော်ပဲဆက်စပ်နေတာကြောင့် ကျွန်မတို့ စကား ၀ိုင်းကလဲ ဒါတွေအကြောင်းပဲ ဖြစ်နေပြန်ပါတော့တယ်။ သူက အင်တာပိုက ပြုလုပ်နေတဲ့ အာရှရာဇ၀တ် ဂိုဏ်းတွေကို ပစ်မှတ်ထားတဲ့ ပရောဂျက် အေအိုစီအကြောင်းတွေ၊ ပင်လယ်ဓားပြတွေကို ပစ်မှတ်ထား တဲ့ ပရောဂျက်ဘာတာ အကြောင်းတွေကို ပြောပြပါတယ်။ ဒီအကြောင်းတွေကတဆင့် အာရှမှာ နာမည် ကြီးနေတဲ့ လူကုန်ကူးမှုအကြောင်းဆီ ရောက်သွားကြပါတယ်။ ဥရောပနိုင်ငံတွေနဲ့ ကနေဒါ၊ အမေရိကန် နိုင်ငံတွေဆီကို အာရှတိုက်ကနေ လူကုန်ကူးမှုတွေ၊ အာရှတိုက်နိုင်ငံအချင်းချင်း လိင်လုပ်ငန်းဆိုင်ရာ လူ ကုန်ကူးမှုတွေ၊ ကလေးသူငယ်ကုန်ကူးမှုတွေကို ပြောဆိုဖြစ်ကြပါတယ်။ အာရှတိုက် နာမည်ကြီး လူကုန် ကူးမှု လမ်းကြောင်းတွေဖြစ်တဲ့ ယူဘက်ကစ်စတန်လမ်းကြောင်း၊ မလေးရှားလမ်းကြောင်း၊ ထိုင်းလမ်း ကြောင်း၊ ဘော်လကန်လမ်းကြောင်းစတာတွေအကြောင်း ပြောနေကြရင်း မြန်မာနိုင်ငံအကြောင်းတွေ ဆက် ပြောဖြစ်ပါတယ်။

သူက လက်ရှိမြန်မာ့အရေးအခြေအနေတွေရယ်၊ မြန်မာပြည်နဲ့ လူကုန်ကူးမှု ပြဿနာတွေရယ်ကို ဆွေး နွေးမေးမြန်းပါတယ်။ ကျွန်မလည်း သိထားတဲ့ သတင်းအချက်အလက်တွေကို ပြောပြရင်း စစ်အာဏာ ရှင် လက်အောက်က မြန်မာပြည်သူတွေရဲ့ လူမှုရေး၊ စီးပွားရေးအခြေအနေတွေနဲ့ လူကုန်ကူးမှု၊ လိင် ကျေး ကျွန်သွတ်သွင်းခံရမှုတွေကိုပါ ထည့်သွင်းပြောဆိုဖြစ်ပါတယ်။ လူကုန်ကူးမှု တားဆီးရေးနဲ့ ပတ် သက်ပြီး လျော့တိလျော့ရဲဖြစ်နေတဲ့ မြန်မာ့ဥပေဒေ ဘက်တော်သားတွေ၊ တရားစီရင်ရေးစနစ် စတဲ့အ ကြောင်းကိုပါ ပြောပြရင်း မြန်မာပြည်ကြီး မလွတ်မြောက်သေးသမျှ မြန်မာပြည်သူတွေ ပိုမိုဆိုးဝါးတဲ့ ဘ၀တွေခံနေ ရမှာပဲလို့ မှတ်ချက်ပေးဖြစ်ပါတယ်။

ဒီတော့ သူက ကျွန်မပြောတဲ့ မှတ်ချက်ကို လက်ခံတယ်။ အာဏာရှင်စနစ်ဆိုးတွေမှာ ဥပဒေဘက်တော် သားတွေဟာ မဆိုင်တဲ့အလုပ်တွေ ပိုလုပ်နေကြရတယ်။ လူကုန်ကူးမှု၊ ဘိန်းကုန်ကူးမှုတွေကို တိုက်ဖျက် ရေးမှာ သုံးရမယ့် အင်အားတွေကို နိုင်ငံရေးလောက အတွက် ဖြုန်းနေသလို ဖြစ်နေတယ်လို့ ဆိုပါတယ်။ ဒါပေမယ့် ဒီကိစ္စတွေဟာ ဒီမိုကရေစီစနစ်မှာလဲ အခုလို အခြေအနေမဆိုးရင်တောင် ရှိတော့ရှိနေမှာပဲ ဖြစ်တဲ့အတွက် ဒီမိုကရေစီမရခင်ကတည်းက လုပ်နိုင်တာတွေကိုလဲ ကြိုလုပ်ထားဖို့ လိုတယ်လို့ ဆိုပါ တယ်။ သူ့စကားက စိတ်ဝင်စားစရာ ကောင်းတာကြောင့် အသေးစိတ် ဆက်ဆွေးနွေးဖြစ်သွားပါတယ်။

သူက လူကုန်ကူးမှုကျူးလွန်သူတွေမှာ သားကောင်ကို စည်းရုံးသူ၊ လမ်းကြောင်းဆက်သွယ်သူ၊ လမ်း ကြောင်းတလျှောက် သယ်ယူပို့ဆောင်ပေးသူနဲ့ သားကောင်ကို လက်ခံသူစတာတွေ ပါဝင်ကြောင်း ပြော ပြပါတယ်။ ရာဇ၀တ်မှုကျူးလွန်သူ အများအပြားပါဝင်မှု၊ သတင်းအချက်အလက် ရယူနိုင်မှုအားနည်း ချက်၊ သတင်းရတဲ့ အချိန်နှောင့်နှေးမှု စတာတွေဟာ ဥပဒေဘက်တော်သားတွေအတွက် အခက်အခဲ ကြန့်ကြာမှုတွေ အများအပြား ဖြစ်စေနိုင်တဲ့အကြောင်း ရှင်းပြပါတယ်။ နောက်တချက်က သားကောင် အမျိုးအစားပါ။ တချို့က ဒါနဲ့ ပတ်သက်တဲ့ ဗဟုသုတ မရှိတာဖြစ်ပါတယ်။ တချို့ကကျတော့ နိုင်ငံရေး၊ စီးပွားရေး၊ လူမှုရေး အခက်အခဲတွေကြောင့် ဘယ်လိုပဲကြုံကြုံ ဆိုပြီး စွန့်စားတာဖြစ်ပါတယ်။ ဘယ်လို ပဲဖြစ်ဖြစ် လူကုန်ကူးမှုရဲ့ သားကောင်ဘ၀ ကျရောက်ရတဲ့အခါမှာ အသက် သေကြေပျက်စီးမှု၊ ဘ၀ပျက် မှု၊ ဥပဒေကြောင်းအရ ပြစ်ဒဏ်ကျ အရေးယူခံရမှုတွေ စတဲ့ဆိုးကျိုးတွေ ကြုံတွေ့ ကြရပါတယ်။ ဒါကြောင့် ဒီလိုဆိုးကျိုးတွေနဲ့ လူကုန်ကူးမှုဆိုင်ရာ အချက်အလက်တွေ၊ လူကုန်ကူးမှုကျူးလွန်တတ်တဲ့ ရာဇ၀တ် သားတွေရဲ့ စည်းရုံးရေး နည်းလမ်းတွေကို လူထုကို ပညာပေးဖို့ လိုအပ်တယ်လို့ ဆိုပါတယ်။ အဲဒီမှာမှ မြန်မာပြည်လို နိုင်ငံတော်က ပညာပေးမှုအားနည်းတဲ့ တိုင်းပြည်တွေမှာ ပြည်သူမှ ပြည်သူသို့ ပညာပေး ခြင်း နည်းလမ်းကို အကောင်အထည်ဖော်လို့ရတဲ့အကြောင်း၊ စာပေ၊ စာနယ်ဇင်းတွေ၊ သီချင်းတွေ၊ ဇာတ် လမ်းတွေ အများအပြား အသုံးပြုသင့်ကြောင်း ဆိုပါတယ်။

ပညာပေးမှုအပြင် လူထုရဲ့ နိုးနိုးကြားကြား သတင်းပေးပို့မှု နည်းလမ်းကိုလဲ ကျင့်သုံးသင့်ကြောင်း သူက အကြံပြုပါတယ်။ နေထိုင်ရာ ရပ်ကွက်၊ ကျေးရွာတွေမှာ အမျိုးသမီးငယ်တွေ၊ ကလေးတွေ၊ ကျောင်းသား တွေကို စည်းရုံးနေတာတွေတွေ့ရင် တာဝန်ရှိသူတွေကို သတင်းပေးပို့မှုပြုလုပ်တဲ့နည်းနဲ့ သားကောင် အဖြစ် စည်းရုံးလှုံဆော်ခံရခြင်း လျော့နည်းသွားအောင် လုပ်လို့ရတယ်ဆိုတဲ့ အကြောင်းပြောရင်း ပြည် တွင်း မြန်မာများသာမက ပြည်ပ မြန်မာများမှာပါ တာဝန်ရှိကြောင်း သူက ဆိုလာခဲ့ပါတယ်။ လူကုန်ကူး မှုဆိုတာ နိုင်ငံဖြတ်ကျော် ရာဇ၀တ်မှုဖြစ်တာကြောင့် နိုင်ငံတနိုင်ငံတည်းရဲ့ ရဲတပ်ဖွဲ့မှာတင် တာဝန်ရှိတာ မဟုတ်ပါဘူး။ နိုင်ငံတကာရဲတပ်ဖွဲ့ (အင်တာပို) မှာဆိုရင် နိုင်ငံတွေရဲ့ ရဲတပ်ဖွဲ့အချင်းချင်းအကြားမှာ လုံ ခြုံတဲ့ ဆက်သွယ်ရေးစနစ်နဲ့ ရာဇ၀တ်မှု သတင်းအချက်အလက် မှတ်တမ်းတင်မှု စနစ်ရှိကြောင်း ပြောပါ တယ်။ ဒါကြောင့် ပြည်ပနိုင်ငံတွေမှာ ရောက်နေတဲ့ လူကုန်ကူးမှုသားကောင်ဘ၀ ကျရောက်ခဲ့ဖူးသူတွေ၊ မိမိတို့ရဲ့ ပတ်စ်ပို့၊ ခရီးသွားလက်မှတ်တွေကို ခိုးယူခြင်း၊ လိမ်ညာယူဆောင် ခြင်း ခံထားရသူတွေအနေနဲ့ သက်ဆိုင်ရာနိုင်ငံက ရဲတပ်ဖွဲ့တွေကို သတင်းပေးပို့ဖို့ လိုအပ်ကြောင်း သူက ပြောပါတယ်။ ဒါတင်မကပဲ မိမိတို့ လူ့အဖွဲ့အစည်းအတွင်းမှာ တစုံတယောက်က လူကုန်ကူးမှု လုပ်နေတယ်လို့ သိခဲ့ရင် သတင်းပေး ပို့သူရဲ့ အမည်ကို ဖော်ပြစရာ မလိုအပ်ပဲ ရာဇ၀တ်မှု ကျူးလွန်သူရဲ့ သတင်းအချက်အလက်ကိုသာ သက်ဆိုင်ရာကို သတင်းပေးပို့လို့ ရတယ်ဆိုတဲ့ အကြောင်းတွေ ရှင်းလင်းပြောပြခဲ့ပါတယ်။

သူပြောတဲ့ အချက်အလက်တွေကို တချို့ကိုလဲ သင်တန်းတွေမှာ သင်ယူဖူး၊ ကြားဖူးပြီးသားဖြစ်ပေမယ့် ဂရုတစိုက် သတိမထားမိခဲ့ပါဘူး။ တခါတရံမှာ လူတွေက ရှေ့ခရီးမှာ တောင်ကြီးတခု ကာဆီးနေရင် ဒီ တောင်ကို ဘယ်လိုဖြိုရမလဲ ဆိုတာပဲ စဉ်းစားနေမိတတ်ကြပါတယ်။ တကယ်တော့ ဒီတောင်ကို ဖြိုရင်း တောင်မပြိုခင်မှာ လုပ်နိုင်မယ့် အလုပ်တွေလဲ အများကြီး ရှိပါသေးတယ်။ တခါက ကျွန်မရေးခဲ့ဖူးပါ တယ်။ မြန်မာပြည်နဲ့ ပတ်သက်လို့ ကျန်းမာရေး၊ ပညာရေး၊ ဖွံ့ဖြိုးတိုးတက်ရေးကို စိတ်ပါဝင်စားသူတွေက သူစိတ်ဝင်စားတာကို တကယ်သာ လုပ်မယ်ဆိုရင် ဖယောင်းတိုင်အလင်းကို ပေးနိုင်ပါတယ်။ ဒီအလင်း တွေ ပေါင်းစပ်သွားတာနဲ့အမျှ အလင်းရောင်ကလဲ ကျယ်ပြန့်လာမှာပါ။ ဒီလိုပါပဲ။ ဖယောင်းတိုင်နဲ့ပဲ ရေ ရှည်သွားလို့တော့ မဖြစ်နိုင်တာကြောင့် စနစ်ကို ပြုပြင်ပြောင်းလဲရမှာ ဖြစ်တဲ့အတွက် ဒီအရေးကို စိတ် ၀င်စားသူတွေကလဲ လုပ်စရာတွေကို စဉ်ဆက်မပြတ်ဆက်လုပ်ဖို့ လိုအပ်ပါတယ်။ ဒါမှလဲ အနာဂတ် မြန်မာ ပြည်အတွက် လျှပ်စစ်မီးအလင်းရောင်လို ရေရှည်တည်တံ့မယ့် ပညာရေး၊ ကျန်းမာရေး၊ ဖွံ့ဖြိုးတိုး တက် ရေးတွေကို ဆောင်ကျဉ်းပေးနိုင်မှာ ဖြစ်ပါတယ်။ အရေးကြီးတာကတော့ သူလင်းတယ်၊ ငါလင်း တယ်နဲ့ အလင်းထွန်းညှိဖို့ မကြိုးစားပဲ ငြင်းခုံနေတဲ့ အလုပ်ကို ရှောင်ကြဉ်ဖို့ပဲ ဖြစ်ပါတယ်။

တချိန်တည်းမှာပဲ အချိန်ကြာမြင့်စွာ အမြစ်တွယ်နေပြီဖြစ်တဲ့ နိုင်ငံဖြတ်ကျော်ရာဇ၀တ်မှုတွေ ပပျောက် ရေးမှာလဲ တဘက်တလမ်းကနေ မြန်မာဆိုတဲ့ တာဝန်အသိနဲ့ လုပ်ကြရမှာ ဖြစ်ပါတယ်။ ရောဂါဆိုတာက အချိန်ကြာကြာ မကုဘဲထားရင် ပိုပြီးဆိုးလာတတ်ပါတယ်။ ဒီမိုကရေစီ မရသေးပေမယ့် မရသေးခင်က တည်းက ဒီမိုကရေစီနိုင်ငံတော်သစ်မှာ ပေါ်ပေါက်လာမယ့် အခက်အခဲတွေကို ကြိုတင်သိမြင် တွေးထား ပြီး၊ အခုအချိန်ကတည်းက ရှင်းလို့ ရနိုင်တဲ့ အခက်အခဲတွေကို ကြိုရှင်းထားနိုင်ရင် ပိုကောင်းပါတယ်။ အလုံးစုံကင်းစင်ပပျောက်မှာ မဟုတ်ပေမယ့် (ဒီမိုကရေစီနိုင်ငံကြီးတွေလဲ ဒါကိုတော့ မတတ်နိုင်ကြသေး ပါ) တဘက်တလမ်းကနေတော့ နိုင်ငံတော်သစ် တည်ဆောက်ရေးအတွက် အကျိုးရှိနိုင်မှာ ဖြစ်ပါတယ်။

အာဏာရှင်စနစ်ကနေ ဒီမိုကရေစီ စနစ်ကို ကူးပြောင်းတဲ့ နိုင်ငံအများစုရဲ့ အသွင်ကူးကာလတွေမှာ စစ်ပွဲတွေ၊ တရားဥပဒေစိုးမိုးရေး ပြဿနာရပ်တွေ၊ အသစ်တက်လာတဲ့ အစိုးရတွေရဲ့ နိုင်ငံတော်အုပ် ချုပ်ရေးဆိုင်ရာ ချို့ယွင်းအားနည်းချက်တွေ၊ ဂိုဏ်းဂနအစွဲတွေနဲ့ အကွဲအပြဲတွေ၊ အတိတ်ပဋ္ဋိပက္ခဟောင်း တွေကို အသက်ပြန်သွင်းမှုတွေနဲ့ ပြည့်နှက်နေတတ်ပါတယ်။ အဆိုးဆုံးပြဿနာတွေကတော့ နိုင်ငံဖြတ် ကျော် ရာဇ၀တ်မှုတွေပါပဲ။ အာဏာရှင်ဟောင်းရဲ့ လက်ကိုင်ဒုတ်တွေ ဖြစ်ခဲ့ဖူးတဲ့ ဥပဒေဘက်တော်သား တွေကိုလဲ အသစ်တက်လာတဲ့ အစိုးရသစ်က အပြည့်အ၀ မယုံကြည်ပါဘူး။ လူထုကလဲ ပူးပေါင်းဆောင် ရွက်မှု နည်းနေတတ်တယ်။ ဒီလိုအချိန်မှာပဲ အာဏာရှင်ဟောင်းလက်ထက်မှာ လာဘ်ပေးလာဘ်ယူမှု တွေကြီးစိုးပြီး ရာဇ၀တ်ဂိုဏ်းသားတွေအတွက် ထွက်ပေါက်ကြီးတွေ များပြားခဲ့တော့ အသစ်တက်လာ တဲ့ အစိုးရရဲ့ governance မှာ ထိခိုက်မှုတွေ အများအပြား ဖြစ်လာပါတော့တယ်။ အသွင်ကူးပြောင်း ကာလတွေမှာ အစိုးရသစ်တွေရဲ့ ပြည်ထဲရေး တာဝန်ရှိသူတွေ လုပ်ကြံခံရတာ၊ အသက်အန္တရာယ်ခြိမ်း ချောက် ခံရတာတွေဟာ နိုင်ငံများစွာမှာ ဖြစ်ပွားခဲ့ပါတယ်။ ပမာဆိုရရင် စည်းကမ်းကြီးပြီး စာအသင် ကောင်းတဲ့ ဆရာမတယောက် ရောက်လာတာကို ကျောင်းသားကောင်းတွေက သဘောကျပေမယ့် ကျောင်းသားဆိုးတွေက နည်းမျိုးစုံသုံးပြီး ပညာပြကြသလိုပါပဲ။

ဒီလိုအခြေအနေတွေကို ကိုင်တွယ်နိုင်ဖို့အတွက် လူ့စွမ်းအားအရင်းအမြစ်တွေ အများကြီးလိုအပ်ပါတယ်။ စစ်အာဏာရှင်စနစ်ကို ချုပ်ငြိမ်းဖို့ လုပ်တာဟာ စစ်တပ်ကို နိုင်ငံတော်ကာကွယ်ရေးအဖွဲ့ နေရာကနေ ဖယ်ရှားတာ မဟုတ်ပါဘူး။ ဒီမိုကရေစီ ရပြီးတဲ့အခါမှာလဲ တပ်တွင်း ဒီမိုကရေစီ ရှင်သန်ထွန်းကားရေးနဲ့ အရပ်ဘက်၊ စစ်ဘက်ဆက်ဆံ ရေးတွေကို အကောင်အထည်ဖော်ရမှာ ဖြစ်ပါတယ်။ ဒီလိုပါပဲ။ ရဲတပ်ဖွဲ့ကို ရပ်ရွာတရားဥပဒေ စိုးမိုးရေးတာဝန်ကနေ ဖယ်ရှားပစ်တာ မဟုတ်ပါဘူး။ နိုင်ငံတနိုင်ငံမှာ တရားဥပဒေ စိုးမိုးရေး မရှိလို့ မရပါဘူး။ ဒီလိုပါပဲ။ အရပ်ဘက်၊ စစ်ဘက်ထောက်လှမ်းရေးကိုလဲ ဖယ်ရှားပစ်လို့ ရပါ ဘူး။ နိုင်ငံတနိုင်ငံရဲ့ ရပ်တည်မှုအတွက် intelligence services လိုအပ်ပါတယ်။ Human intelligence (HUMINT) မရှိတဲ့ နိုင်ငံတနိုင်ငံရဲ့ နိုင်ငံတော်လုံခြုံရေးဆိုတာ ကြောက်ခမန်းလိလိ အခြေအနေဆိုးကြီး ဖြစ်သွားနိုင်ပါတယ်။ ဒါပေမယ့် ဒီမိုကရေစီစနစ် မတိုင်ခင်မှာကျတော့ ဒီအဖွဲ့အစည်းတွေဟာ အာဏာရှင် လက်ကိုင်ဒုတ်ဘ၀မှာ ပေးတာယူ၊ ကျွေးတာစားနဲ့ တသွေးတသံတမိန့်ကိုသာ နာခံကြရတာကြောင့် လူထုဘက်က မရပ်တည်မချင်း လူထုနဲ့ ပဋ္ဋိပက္ခဖြစ်နေတတ်ပါတယ်။ လူအများက မုန်းတီး ကြပါတယ်။ ဒီပဋ္ဋိပက္ခ စိတ်အနာတွေဟာ ဒီမိုကရေစီ အသွင်ကူးပြောင်းကာလ ပြည်သူ့အစိုးရသစ်နဲ့ ဒီအဖွဲ့တွေရဲ့ အကြားမှာ၊ လူထုနဲ့ ဒီအဖွဲ့တွေအကြားမှာ ရံဖန်ရံခါ ပေါ်လာတတ်တာတွေ ရှိပါတယ်။ အဲဒီအခါ ရာဇ ၀တ်မှုနှိမ်နင်းရေး ကိစ္စမျိုးတွေ၊ တိုင်းပြည်ရဲ့ အရေးပေါ်ကာလတွေမှာ အခက်အခဲ ဖြစ်တတ်ပါတယ်။ ဒါကြောင့် ဒီလိုအခြေ အနေမျိုးတွေမှာ ကြားကနေ စေ့စပ်ညှိနှိုင်းဖြေရှင်းပေးနိုင်မယ့် သူတွေ လိုအပ်လှ ပါတယ်။ တခြား လိုအပ်တဲ့ ကဏ္ဍတွေအများကြီးပါပဲ။

အခုဒီဆောင်းပါးမှာကတော့ လူကုန်ကူးမှုနဲ့ ပတ်သက်ဆယ်နွယ်မှုတွေကိုပဲ အခြေခံသဘောတရားတွေ၊ ရာဇ၀တ်မှု ကျူးလွန်တတ်သူတွေရဲ့ လုပ်ဆောင်တတ်ပုံ နည်းလမ်းတွေ၊ မိခင်နိုင်ငံက တရားဥပဒေစိုးမိုး ရေးမှာ လာဘ်ပေးလာဘ်ယူမှုတွေ ကြီးစိုးနေတဲ့အခါ လူကုန်ကူးမှုဖြစ်စဉ်တလျှောက်မှာ ပါဝင်တဲ့ တခြား နိုင်ငံ ဥပဒေဘက်တော်သားတွေကို ဆက်သွယ်ဆောင်ရွက်နိုင်မှုတွေ၊ ဒီမိုကရေစီ ပြောင်းလဲမှုကာလမှာ လူကုန်ကူးမှု တားဆီးနှိမ်နင်းရေးနဲ့ ပတ်သက်ပြီး ဆောင်ရွက်ဖွယ် နည်းလမ်းစတာတွေကို အသေးစိတ် ရေးသားဖော်ပြမှာဖြစ်ပါတယ်။

(ဆက်လက်ဖော်ပြပါမည်)
ခင်မမမျိုး (၂၂၊ ၈၊ ၂၀၀၉)
http://khinmamamyo.blogspot.com မှ ကူးယူဖေါ်ပြပါသည်။