Thursday 5 September 2013

ဒေါ်နော်အုံးလှ လွတ်မြောက်ရေးအတွက် ဗြိတိန်အဖွဲ့ တိုက်တွန်း

        လူ့အခွင့်အရေးလှုပ်ရှားသူ ဒေါ်နော်အုံးလှကို အမြန်ဆုံး ပြန်လွှတ်ပေးရေးအတွက် မြန်မာအစိုးရကို တောင်းဆိုဖို့ ဗြိတိသျှနိုင်ငံ လန်ဒန်အခြေစိုက် မြန်မာ့အရေးလှုပ်ရှားမှုအဖွဲ့ Burma Campaign UK က ဗြိတိသျှအစိုးရကို စက်တင်ဘာလ ၅ ရက် မနေ့က တိုက်တွန်း
လိုက်ပါတယ်။

မြန်မာနိုင်ငံမှာ နိုင်ငံရေးအကျဉ်းသားတွေ ရာနဲ့ချီရှိနေသေးတာကို မမေ့ဖို့လည်း မြန်မာ့အရေးလှုပ်ရှားမှုအဖွဲ့ရဲ့ ကြေညာချက်မှာ နှိုးဆော်ထားပါတယ်။  မြန်မာအစိုးရအနေနဲ့ ကတိကဝတ်တွေကို လေးစားလိုက်နာမှုမရှိတဲ့အကြောင်း ဒေါ်နော်အုံးလှကို အခုလိုထောင်ဒဏ် ၂ နှစ် ချမှတ်လိုက်တာက သက်သေပြနေပါတယ်လို့ မြန်မာ့အရေးလှုပ်ရှားမှုအဖွဲ့ ညွန်ကြားရေးမှူး Mark Farmaner က RFA ကိုပြောပါတယ်။

ဗြိတိသျှအစိုးရဟာ သမ္မတ ဦးသိန်းစိန် ဦးဆောင်တဲ့အစိုးရကို နိုင်ငံရေးအကျဉ်းသားတွေ လွှတ်ပေးရေးအတွက် အခုထက်ပိုပြီးဖိအားပေးဖို့လိုပါတယ်။ ငြိမ်းချမ်းစွာဆန္ဒပြရုံမျှအတွက် လူတွေကို ဖမ်းဆီးတရားစွဲပြီး ထောင်ဒဏ်အပြစ်ပေးနေတာတွေကို ရပ်ဆိုင်းဖို့လိုပါပြီလို့ Mark Farmaner က ပြောခဲ့ပါတယ်။

မြန်မာအစိုးရအနေနဲ့ ပြုပြင်ပြောင်းလဲရေးကို တကယ်လိုလားတာမှန်တယ်ဆိုရင် နိုင်ငံရေးသမားတွေကိုထောင်ချနေတဲ့  ဖိနှိပ်ချုပ်ချယ်မှုဥပဒေမှန်သမျှ မုချမသွေ ဖျက်သိမ်းသင့်ပါတယ်လို့လည်း လန်ဒန်အခြေစိုက် မြန်မာ့အရေးလှုပ်ရှားမှုအဖွဲ့ Burma Campaign UK က တိုက်တွန်းလိုက်ပါတယ်။

http://www.rfa.org/burmese/news/

0 comments: