Saturday, 16 October 2010

ဆည်ဖေါက်ချလို့  သေဆုံးသူ ၅၀ ရှိ

2010-10-08

မန္တလေးတိုင်း ပုသိမ်ကြီးမြို့ နယ်အတွင်းက ဆည်တော်လေးဆည်က ရေပိုတွေကို ဖေါက်ချခဲ့တာကြောင့် ရွာလုံးကျွတ် ရေမြုပ်ပြီး သေဆုံးသူ ၅၀ ခန့် ရှိတယ်လို့  သတင်း ရရှိပါတယ်။
ဆည်တော်လေး ဆည်နားမှာ ရှိတဲ့ ဂိုက်တန်း နဲ့ အုံးချောရွာ ၂ ရွာမှာ အိမ်ခြေ ၁၅၃ လုံး ရေလွှမ်းမိုးပြီး ပျက်စီးခဲ့သလို မူလတန်းကျောင်း တစ်ကျောင်းလည်း ပျက်စီးသွားတယ်လို့ သိရပါတယ်။

အခုလို ဆည်ရေကြောင့် ဒုက္ခရောက်သူတွေကို ကူညီမယ့်သူတွေထဲက ပဲခူးမြို့က ပရဟိတကျောင်းတိုက်ကဆရာတော် ဦးကိတ္တိ ကတော့ လာမယ့်တနင်္ဂနွေနေ့ မှာ မန္တလေးကို သွားရောက်မယ်လို့ ပြောပါတယ်။

"မန္တလေးကို တက်သွားပြီး လိုအပ်တဲ့ ပစ္စည်းတွေ ၀ယ်ယူပြီး သွားရောက် လှူဒါန်းမှာပါ။ ဟိုမှာ ဘာလိုသလဲ၊ ဘာအခက်အခဲရှိတယ်ဆိုတာ စုံစမ်းမယ်လေ။ ဆန်၊ ဆီ၊ အ၀တ်အစားပေါ့။ လိုတာကို ဒီက စုံစမ်းပြီး သဘက်ခါလောက် သွားဖြစ်မယ် ထင်ပါတယ်။"

အခုလို ဆည်တော်လေးဆည် ရေဖေါက်ချခဲ့တာနဲ့ ပတ်သက်ပြီး ဒေသခံတွေကို အာဏာပိုင်တွေက ဘာကြောင့် ကြိုတင် သတိပေးခြင်း မရှိတာလည်း ဆိုတာကိုတော့ မသိရသေးပါဘူး။ မန္တလေးမြို့ ခံ တစ်ဦးကတော့ အခု ရက်ပိုင်း အတွင်း မန္တလေးဘက်မှာ ရေကြီးနေတဲ့ အတွက် ဆည်တော်လေးဆည် ရေလျှံတာကြောင့် ဖေါက်ချတာ ဖြစ်နိုင်တယ်လို့  ပြောပါတယ်။

(လွတ်လပ်တဲ့ အာရှအသံ) မှ

0 comments: